Innviðaráðherra sérstakur gestur á samráðsfundi með íbúum

Undirbúningsstjórn um sameiningu Skútustaðahrepps og Þingeyjarsveitar boðar til íbúafundar um stöðu, stefnu og tækifæri í sameinuðu sveitarfélagi miðvikudaginn 9. febrúar kl. 16:30 – 18:00 í Skjólbrekku, en fundurinn verður einnig sendur út á Facebooksíðu Skútustaðahrepps.

Sérstakur gestur fundarins verður Sigurður Ingi Jóhannsson, innviðaráðherra og ráðherra sveitarstjórnarmála sem tengist stafrænt inn á fundinn.

Erindi:

• Stuð og stefna: Arnór Benónýsson – oddviti Þingeyjarsveitar
• Sveitarfélög til framtíðar: Sigurður Ingi Jóhannsson – innviðaráðherra
• Hvað á barnið að heita: Róbert Ragnarsson – RR ráðgjöf
• Nýja stjórnarskráin: Tryggvi Þórhallsson – lögmaður sameinaðs sveitarfélags
• Tækifæri í sameinuðu sveitarfélagi: Helgi Héðinsson – oddviti Skútustaðahrepps
• Menntasókn í Norðri: Kristrún Birgisdóttir – eigandi og framkvæmdastjóri Ásgarðs
• Nýsköpun í Norðri: Sveinn Margeirsson – sveitarstjóri Skútustaðahrepps
• Gaman í Gíg: Anna Þorsteinsdóttir – Þjóðgarðsvörður